John Taverner - Ave Dei Patris Filia - текст песни (слова), перевод

Ave Dei patris filia nobilissima,
 Dei filii mater dignissima,
 Dei Spiritus sponsa venustissima,
 Dei unius et trini ancilla subiectissima.
 
 Ave summae aeternitatis filia clementissima,
 summae veritatis mater piissima,
 summae bonitatis sponsa benignissima,
 summae trinitatis ancillia mitissima.
 
 Ave aeternae caritatis desideratissima filia,
 aeternae sapientiae mater gratissima,
 aeternae spirationis sponsa sacratissima,
 aeternae maiestatis ancilla sincerissima.
 
 Ave Jesu tui filii dulcis filia,
 Christi Dei tui mater alma,
 sponsa sine ulla macula,
 deitatis ancilla sessioni proxima.
 
 Ave Domini filia singulariter generosa,
 Domini mater singulariter gloriosa,
 Domini sponsa singulariter speciosa,
 Domini ancilla singulariter obsequiosa.
 
 Ave plena gratia solis regina,
 misericordiae mater, meritis praeclara,
 mundi domina, a patriarchis praesignata,
 imperatrix inferni, a profetis praeconizata.
 
 Ave virgo facta
 ut sol praeelecta,
 mater intacta,
 sicut luna perpulcra,
 salve parens inclita,
 enixa puerpera,
 stella maris praefulgida,
 felix caeli porta:
 esto nobis via recta
 ad aeterna gaudia,
 ubi pax est et gloria.
 
 O gloriosissima semper virgo Maria.
 Amen.