JESU, nostra redemptio, Amor et desiderium, Deus creator omnium, Homo in fine temporum. Quae te vicit dementia, Ut ferres nostra crimina, Crudelem mortem patiens Ut nos a morte tolleres! Inferni claustra penetrans, Tuos captivos redimens, Victor triumpho nobili Ad dextram Patris residens Ipsa te cogat pietas Ut mala nostra superes Parcendo et voti compotes Nos tuo vultu saties. Tu esto nostrum gaudium, Qui es futurus praemium, Sit nostra in te gloria, Per cuncta semper secula.
https://primanota.net/william-byrd/jesu-nostra-redemptio-lyrics.htm