Exultet coelum laudibus resultet terra gaudiis apostolorum gloriam sacra canunt solemnia. Vos saecli justi judices et vera mundi lumina votis precamur cordium audite preces supplicum. Qui caelum verbo clauditis serasque ejus solvitis nos a peccatis omnibus solvite jussu, quaesumus. Quorum praecepto subditor salus et languor omnium: sanate aegros moribus nos reddentes virtutibus. Ut cum judex advenerit Christus in fine saeculi nos sempiterni gaudi faciat esse compotes. Deo patri sit gloria ejusque soli Filio, cum Spiritu Paracleto, et nunc et in perpetuum.
https://primanota.net/stefano-torchio/exultet-coelum-lyrics.htm