Carver's setting is more extensive than others. O bone Jesu, O piissime Jesu, O dulcissime Jesu, O Jesu fili virginis Mariae plenus pietate O dulcis Jesu secundum magnam misericordiam tuam miserere mei. O clementissime Jesu deprecor te per illum sanguinem pretiosum quem pro peccatoribus effundere voluisti ut abluas iniquitatem meam et in me respicias miserum et indignum peccatorem et hoc nomen Jesum invocantem. O nomen Jesu, nomen dulce, nomen Jesu, nomen dilectabile, nomen Jesu, nomen suave, quid enim est Jesus nisi salvator? Ergo bone Jesu propter nomen tuum salva me ne peream et ne permittas me damnari quem tu ex nihilo creasti. O bone Jesu ne perdat me iniquitas mea. Rogo te, piissime Jesu, ne perdas me quem fecit tua bonitas. O dulcis Jesu, recognosce quod tuum est et absterge quod alienum est. O amantissime Jesu, O desideratissime Jesu, O mitissime Jesu, O Jesu, admitte me intrare regnum tuum, dulcis Jesu.