1. Beata viscera Marie virginis cuius ad ubera rex magni nominis; veste sub altera vim celans numinis dictavit federa Dei et hominis. O mira novitas et novum gaudium, matris integrita post puerperium. 2. Populus gentium sedens in tenebris surgit ad gaudium partus tam celebris: Iudea tedium fovet in latebris, cor gerens conscium delicet funebris. 3. Fermenti pessimi qui fecam hauserant, ad panis azimi promisa properant: sunt Deo proximi qui longe steterant, et hi njovissimi qui primi fuerant. 4. Partum quem destruis, Iudea misera! De quo nos argues, quem docet littera; si nova respuis, crede vel vetera, in hoc quem astruis Christum considera. 5. Te semper implicas errore patrio; dum viam indicas errans in invio: in his que predicas, sternis in medio bases propheticas sub evangelio. 6. Legis mosayce clausa misteria; nux virge mystice nature nescia; aqua de silice, columpna previa, prolis dominice signa sunt propera. 7. Solem, quem librere, Dum purus otitur In aura cernere visus non patitur, cernat a latere dum repercutitur, alvus puerpere, qua totus clauditur.
https://primanota.net/perotin/beata-viscera-lyrics.htm