Орландо ди Лассо - O bone Jesu - текст песни (слова)

O bone Jesu,
 o piissime Jesu,
 o dulcissime Jesu,
 o Jesu fili Mariae virginis plenus misericordia et veritate,
 o dulcis Jesu, miserere mei secundum magnam misericordiam tuam.
 O benigne Jesu, te deprecor per illum sanguinem tuum pretiosum
 quem pro nobis miseris peccatoribus effundere dignatus es in ara crucis
 ut abjicias omnes iniquitates meas
 et ne me despicias humiliter petentem
 et hoc nomen tuum sanctissum Jesus invocantem.
 Hoc nomen Jesus nomen dulce est,
 hoc nomen Jesus nomen salutare est,
 quid enim est Jesus nisi salvator?
 O bone Jesu, qui me creasti et redemisti tuo proprio sanguine, ne permittas me damnari quem ex nihilo creasti,
 o bone Jesu, ne perdat me iniquitas mea quem fecit omnipotens bonitas tua,
 o bone Jesu, recognosce quod tuum est in me et absterge quod alienum est in me,
 o bone Jesu, miserere mei dum tempus est miserendi,
 ne perdas me in tempore tremendi judicii tui.
 
 O bone Jesu, si merui miser peccator de vera tua justitia poenam aeternam pro peccatis meis gravissimis,
 adhuc appello confisus de tua justitia vera ad tuam misericordiam ineffabilem
 utique misereberis mei ut pius pater et misericors dominus.
 O bone Jesu, quae enim utilitas in sanguine meo dum descendero in corruptionem aeternam,
 non enim mortui laudabunt te Domine, neque omnes qui descendunt in infernum.
 
 O misericordissime Jesu, miserere mei,
 o dulcissime Jesu, libera me,
 o piissime Jesu, propitius esto mihi peccatori,
 o Jesu, admitte me miserum peccatorem in numerum electorum tuorum.
 O Jesu, salus in te sperantium,
 o Jesu, spes in te credentium, miserere mei,
 o Jesu dulcis remissio omnium peccatorum meorum,
 o Jesu, fili virginis Mariae
 infunde in me gratiam, sapientiam, charitatem, castitatem et humilitatem
 ac etiam in omnibus adversitatibus meis patientiam sanctam,
 ut possim te perfecte diligere et in te gloriari ac delectari
 in saecula saeculorum.
 Amen.