Quem vidistis pastores dicite: annuntiate pro nobis in terris quis apparuit. Natum vidimus, et choros Angelorum collaudantes eum. Notum fecit Dominus salutare suum, revelavit in terra justitiam suam. Psallite Domino in cithara et voce psalmi; in tubis ductilibus, et voce tubæ corneæ. Flumina plaudant manu, montes exultent a conspectu ejus quoniam venit salvare terram.