JOD Manum suam misit hostis Ad omnia desiderabilia ejus, Quia vidit gentes Ingressas sanctuarium suum, De quibus praeceperas Ne intrarent in ecclesiam tuam. CAPH Omnis populus ejus gemens, Et quaerens panem; Dederunt pretiosa quaeque pro cibo Ad refocillandam animam. Vide, Domine, et considera Quoniam facta sum vilis! LAMED O vos omnes qui transitis per viam, Attendite et videte Si est dolor sicut dolor meus! Quoniam vindemiavit me, Ut locutus est Dominus, In die furoris sui. Jerusalem, Jerusalem, Convertere ad Dominum Deum tuum.