O beata beatorum martyrum sollemnia, O devote recolenda victorum certamina! Digni dignis fulgent signis et florent virtutibus, Illos semper condecenter veneremur laudibus. Fide, voto, corde toto adhæserunt Dómino, Et invicti sunt addicti atroci martyrio. Carcerati, trucidati tormentorum genera Igne læsi, ferro cæsi pertulerunt plurima. Dum sic torti cedunt morti carnis per interitum, Ut electi sunt adepti beatorum perennia. Per contemptum mundanorum et per bella fortia Meruerunt angelorum fieri consortia. Ergo facti cohæredes Christo in cælestibus, Apud ipsum vota nostra promovete precibus. Ut post huius finem vitæ et post transitoria In perenni mereamur exultare gloria.
https://primanota.net/johannes-roullet/o-beata-beatorum-lyrics.htm