O felix templum jubila et chors tua canonici nunc plaudat corde supplici. Tu, clere, viso rutila. Qui presul divi muneris de summo missus cardine a justo nato Dardane est pastor sacri oneris. Tu genitoris Stephane, o plaustriger illustrissime, virtutes splendidissime sunt tuis factis consone: Fano novo et multis aris superis quas dedicasti ad astra iter iam parasti tibi et cuncti tui laris. Precor, Patre, o digna proles, Justa, mitis et modesta. Viciorum ac infiesta Virtutibusque redolans. Dignare me Ciconiam (tanti licet sim indignus) Tui habere in cordis pignus Es benignus quoniam. Amen.