Un gros prieur son petit filz baisoit, Et mignardoit au matin en sa couche. Tandis roustir sa perdriz on faisoit: Se leve, crache, esmeutit, et se mouche. La perdriz vint au sel de broque en bouche, La devora bien sçavoit la science, Puis quant il eut prins sur sa conscience, Broc de vin blanc du meilleur qu'on eslise. Mon Dieu dit il donne moy patience, Qu'on a de mal pour servir sainct Eglise.
https://primanota.net/clement-janequin/un-gros-prieur-lyrics.htm