Anonymous - Summi triumphum regis I - текст песни (слова)

1. Summi triumphum Regis prosequamur laude.
 2a. Qui cæli, qui terræ regit sceptra inferni jure domito.
 2b. Qui sese pro nobis redimendis per magnum dedit precium.
 3a. Huic nomen extat conveni'ens Idithum.
 3b. Nam transilivit omnes strenue montes colliculosque Bethel,
 4a. Saltum de cælo dedit in virginalem ventrem, inde in pelagus seculi.
 4b. Postquam illud suo mitigavit potentatu, tetras Phlegethontis assiliit tenebras.
 5a. Principis illius disturbato imperio.
 5b. Maniplis plurimis inde erutis, mundum illustrat suo jubare.
 6a. Captivitatemque detentam in ibi, victor duxit secum.
 6b. Et redivivum jam suis se præbuit servis et amicis.
 7a. Denique saltum dederat hodie maximum, nubes polosque cursu præpeti transiens.
 7b. Celebret ergo populus hunc diem credulus cujus morbida, Idithum, corpora in semetipso altis sedibus cæli invexit Dei Filius.
 8a. Et tremens, judicem expectat adfuturum, ut duo angeli fratres docuerunt,
 8b. Qui Jesus a vobis assumptus est in cælum, iterum veniet, ut vidistis eum.
 9a. Jam Idithum nostrum vocibus sedulis omnes imploremus,
 9b. Ut a dextris Patris qui sedet, Spiritum mittat nobis sanctum,
 10. In fine sæculi, ipse quocque semper sit nobiscum.