O quam glorifica luce coruscas, Stirpis Davidicæ regia proles. Sublimis residens, Virgo Maria, Supra cæligenas ætheris . Tu cum virgineo mater honore, Ang(e)lorum Domino pectoris aulam Sacris visceribus casta parasti; Natus hinc Deus est corpore Christus. Quem cunctus venerans orbis adorat, cui nunc rite genuflectitur omne; A quo te, petimus, subveniente, Abjectis tenebris, gaudia lucis. Hoc largire Pater luminis omnis, Natum per proprium, Flamine sacro, Qui tecum nitida vivit in æthera Regnans, ac moderans sæcula cuncta. Amen.