Ave præclara maris stella in lucem gentium Maria divinitus orta Euge dei porta quæ non aperta veritatis lumen ipsum solem iustitiæ indutum carne ducis in orbem Te plenam fide virgam almæ stirpis Iesse nascituram priores desideraverant patres et prophetæ Tu agnum regem terræ dominatorem Moabitici de petra deserti ad montem filiæ Sion transduxisti Hinc gentium nos reliquiæ tuæ sub cultu memoriæ mirum in modum quem es enixa propitiationis agnum regnantem cælo æternaliter revocamus ad aram mactandum mysterialiter Fac fontem dulcem quem in deserto petra præmonstravit degustare cum sincera fide renesque constringi lotos in mari anguem æneum in cruce speculari Audi nos nam te filius nihil negans honorat Da fontem boni visere da puræ mentis oculos in te defigere Christianismi fidem operibus redimire beatoque fine ex huius incolatu sæculi auctor ad te transire
https://primanota.net/adam-rener/ave-prclara-sequentia-lyrics.htm