Iste confessor Domini, sacrata festa plebs cuius celebrat per orbem hodie laetus meruit secreta scandere caeli. Qui pius, prudens, humilis, pudicus, sobrius, castus fuit et quietus vita, dum presens vegetavit ejus corporis artus. Ad sacrum cujus tumulum frequenter membra languentium modo sanitati, quolibet morbo fuerint gravata, restituuntur. Unde nunc noster chorus in honorem ipsius hymnum canit nunc libenter, ut piis ejus meritis juvemur omne per aevum. Sit salus illi, decus atque virtus, qui, supra caeli residens cacumen, totius mundi machina gubernat trinus et unus. Amen.
https://primanota.net/vaclav-emanuel-horak/iste-confessor-lyrics.htm