Traditional - Fit porta Christi pervia - текст песни (слова)

1. 
 
 
Fit porta Christi pervia 
omni referta gratia, 
transitque rex, et permanet 
clausa, ut fuit, per sæcula. 
2. 
 
 
Summi Parentis Filius 
processit aula Virginis, 
sponsus, redemptor, conditor, 
suæ gigas Ecclesiæ: 
3. 
 
 
Honor matris et gaudium, 
immensa spes credentium, 
lapis de monte veniens 
mundumque replens gratia. 
4. 
 
 
Exsultet omnis anima, 
quod nunc salvator gentium 
advenit mundi Dominus 
redimere quos condidit. 
5. 
 
 
Christo sit omnis gloria, 
quem Pater Deum genuit, 
quem Virgo mater edidit 
fecunda Sancto Spiritu.