O bone Jesu. Illumina oculos meos, ne unquam obdormiam in morte, nequando dicat inimicus: prevalui adversus eum. O Adonai. In manus tuas Domine commendo spiritum meum: redemisti me Domine Deus veritatis. O Messias. Locutus sum in lingua mea: notum fac mihi finem meum. O agios. Et numerum dierum meorum quis est, ut sciam quid desit mihi. O Heloi. Dirupisti Domine vincula mea: tibi sacrificabo hostiam laudis, et nomen Domini invocabo. O Emmanuel. Periit fuga a me, et non est qui requirat animam meam. O Christe. Clamavi ad te Domine, dixi: tu es spes mea, portio mea in terra viventium. O rex noster. Fac mecum signum bonum, ut videant qui oderunt me, et confundantur: quoniam tu Domine adjuvisti et consolatus es me. O Rabbi. Signatum est super nos lumen vultus tui Domine: dedisti laetitiam in corde meo. Amen.
https://primanota.net/robert-parsons/o-bone-jesu-lyrics.htm