Prolongati sunt dies mei in servitio tuo, Domine, et utraque tibi fortuna servientem probasti me ac in sudore vultus mei cognovisti labores et fidelitatem meam. Inveterata sunt ossa mea, in dies expectant dolores mortis ut rationem reddam villicationis meae ante conspectum redemptoris qui pro nobis passus peccata nostra luit in crucis patibulo. Si ergo fas dicere, nunc dimitte servum tuum in pace, quia viderunt oculi mei te salvum in regno tuo et victorem bellorum omnium, cum felici gloria in qua vives in aeternum ante faciem populorum.
https://primanota.net/orlando-di-lasso/prolongati-sunt-dies-mei-lyrics.htm