Huc me sydereo descendere jussit Olimpo hic me crudeli vulnere fixit amor. Langueo nec quisquam nostro succurrit amori quem nequeunt dura frangere jura crucis. Pungentem capiti Dominum gestare coronam fortis amor docuit verbera tanta pati. Felle sitim magni regis satiavit amaro pectus ut hauriret lancea fecit amor. De me solus amor potuit perferre triumphum ille pedes clavis fixit et ille manus. Si cupis ergo animi mihi signa rependere grati dilige pro tantis sat mihi solus amor.
https://primanota.net/orlando-di-lasso/huc-me-sydereo-lyrics.htm