"Dulces exuviae, dum fata deusque sinebat, accipite hanc animam meque his exsolvite curis. Vixi et quem dederat cursum Fortuna peregi, et nunc magna mei sub terras ibit imago. Urbem praeclaram statui, mea moenia vidi; ulta virum, poenas inimico ab hoste recepi; felix, heu! nimium felix, si litora tantum numquam Dardaniae tetigissent nostra carinae." Dixit, et os impressa toro, "Moriemur inultae, sed moriamur, ait; sic, sic iuvat ire sub umbras." (Vergilius: Aeneis IV, 651-660) NB. In line 656 the text differs from Vergilius's text, which has "inimico a fratre".
https://primanota.net/orlando-di-lasso/dulces-exuviae-lyrics.htm