Musæ Iovis ter maximi Proles canora, plangite, Comas cypressus comprimat Iosquinus ille occidit, Templorum decus, Et vestrum decus. Severa mors et improba Quæ templa et dulcibus sonis Privas, et aulas principum Malum tibi quod imprecer, Tollenti bonos, Parcenti malis. Apollo sed necem tibi Minatur, heus mors pessima, Instructus et arcu et spiculis Musasque ut addent commonet, Et laurum comis, Et aurum comis. Iosquinus (inquit) optimo Et maximo gratus Iovi Triumphat inter cœlites, Et dulce carmen concinit Templorum decus, Musarum decus.