Victimae paschali laudes immolent Christiani. Agnus redemit oves: Christus innocens Patri reconciliavit peccatores. Mors et vita duello conflixere mirando: dux vitae mortuus regnat vivus. Dic nobis, Maria, quid vidisti in via? Sepulcrum Christi viventis: et gloriam vidi resurgentis. Angelicos testes, sudarium et vestes. Surrexit Christus spes mea: praecedet vos in Galilaeam. Credendum est magis soli Mariae quam Iudaeorum turbae fallaci. Scimus Christum surrexisse a mortuis vere: tu nobis, victor Rex, miserere.
https://primanota.net/michael-praetorius/victimae-paschali-laudes-10-vocibus-lyrics.htm