1. Invicte Martyr, unicum Patris secutus Filium, Victis triumphas hostibus, Victor fruens caelestibus. 2. Tui precatus munere Nostrum reatum dilue, Arcens mali contagium, Vitae repellens taedium. 3. Soluta sunt jam vincula Tui sacrati corporis: Nos solve vinclis saeculi, Dono superni Numinis. 4. Deo Patri sit gloria, Ejusque soli Filio, Cum Spiritu Paraclito, Nunc, et per omne saeculum. Amen.