José Maurício Nunes Garcia - Beata Nobis Gaudia - текст песни (слова)

1.Beata nobis gaudia
 Anni reduxit orbita,
 Cum Spiritus paraclitus
 Illapsus est Apostolis. 
 
 2.Ignis vibrante lumine
 Linguæ figuram detulit,
 Verbis ut essent proflui,
 Et caritate fervidi. 
 
 3.Linguis loquuntur omnium,
 Turbæ pavent Gentilium:
 Musto madere deputant,
 Quos spiritus repleverat. 
 
 4.Parata sunt hæc mystice,
 Paschæ peracto tempore,
 Sacro dierum circulo,
 Quo lege fit remissio. 
 
 5.Te nunc Deus piissime
 Vultu precamur cernuo,
 Illapsa nobis cœlitus
 Largire dona Spiritus. 
 
 6.Dudum sacrata pectora
 Tua replesti gratia:
 Dimitte nostra crimina,
 Et da quieta tempora. 
 
 7.Deo Patri sit gloria,
 Et Filio, qui a mortuis
 Surrexit, ac Paraclito.
 In sæculorum sæcula.