Den V. Psalm Voer die erstenisse. Verba mea auribus. Nae die wyse. Aenhoort alle myn gheclach ghi ruyterkens fraey Verhoort heer myn gheclach, Myn woorden wils ontfanghen Ick roep nacht ende dach En maeck seer groot ghewach Ick bid u wat ick mach Neemt dit doch in verdrach Hebt acht op myn verlanghen. Myn God, myn Coninck goet Syt ghi, vol charitaten Want ick bid met ootmoet Myn stem hoort ghi met spoet. Vroech sal ick Heere soet Staen bi u, wesen vroet Dat ghi boosheyt wilt haten. Al voer u ooghen reyn En moeghen si niet ghedueren Ghi haetse alleghemeyn Die boose: groot, en cleyn Die lieghen hier certeyn. Ghi wiltse verderven pleyn End inden afgrondt stueren.
https://primanota.net/jacobus-clemens-non-papa/souterliedekens-psalm-5-lyrics.htm