Jacob Obrecht - Laudes Christo Redemptori - текст песни (слова), перевод

Laudes Christo Redemptori
 voce modulemur supplici:
 Omnis in hac die rerum natura
 jubilans personet immensas
 Filio Dei gratias.
 In ara crucis hostiam se pro nobis
 Christus obtulit Deo patri,
 morte sua nostra mortificans crimina.
 Alleluia.
 
 Haec est dies quae illuxit
 post turbida Aethiopum tempora,
 Christus in qua resurrexit
 ultra victurus
 cum carne quam assumpsit
 de Maria Virgine.
 Qui ovem cum gaudio patri
 quam perdiderat humero revexit suo.
 Ergo die ista exsultemus
 in qua nobis viam vitae
 resurgens patefecit Jesus.
 Astra, solum, mare jocundentur
 et cuncti gratulentur
 in caelis spiritales chori.
 Alleluia.