Jacob Obrecht - Laudemus nunc Dominum - текст песни (слова), перевод

Laudemus nunc Dominum   
 in canticis et modulationibus sonoris, 
 quoniam hodie salus huic domui facta est.
 Numquid non David    
 stare fecit cantores ante altare  
 et in sono eorum dulces fecit modos, 
 ut laudarent nomen Domini sanctum  
 et amplificarent mane Dei sanctitatem? 
 Psallamus igitur singuli:   
 sint oculi tui, Domine, super domum hanc 
 quam aedificavimus tibi   
 et exaudias deprecationem populi tui 
 sacrificia et holocausta   
 super altare tuum offerentis. Alleluia. 
  Cantus firmus [Genesis 28:17]:
  Non est hic aliud    
  nisi domus Dei et porta caeli.  
 
 Cantemus Domino canticum novum,  
 laus ejus in ecclesia sanctorum. Alleluia. 
 Numquid non patres nostri Noe, Abraham, 
 Aaron, David et Jesus Josedech  
 in diebus suis    
 aedificaverunt altaria Domino  
 et nomen Domini invocantes   
 exaltaverunt templum sanctum Domino  
 paratum in gloria sempiterna?  
 Laudemus igitur Dominum,   
 quoniam hodie salus    
 huic domui a Deo facta est.   
 Alleluia.     
  Cantus firmi [Genesis 28:12,17-18]:
  Vidit Jacob scalam,    
  sumitas ejus caelos tangebat  
  et descendentes angelos et dixit:  
  Vere locus iste sanctus est. Alleluia. 
  Erexit Jacob lapidem in titulum,  
  fundens oleum desuper. Alleluia.