Quemadmodum desiderat cervus ad fontes aquarum, ita desiderat anima mea ad te Deus clementissime et misericordisime. Sitivit anima mea ad Deum fortem vivum: quando veniam et apparebo ante faciem Dei? O fons vitae, vena aquarum viventium, quando veniam ad aquas dulcedinis tuae? Quando veniam de terra invia et inaquosa, ut videam virtutem tuam et gloriam tuam et satiem ex aquis misericordiae tuae sitim meam! Fons vitae satia me. Sitio, Domine, sitio te, Deum vivum. O quando veni et apparebo, Domine, ante faciam tuam? O dies praeclara et pulcra, nesciens vesperum non habes occasum in qua audiam vocem laudis, vocem exultationis, in qua audiam: Intra gaudium Domini tui, in gaudium sempiternum, in domum Dei tui, O gaudium super gaudium, extra non est gaudium.
https://primanota.net/heinrich-schutz/quemadmodum-desiderat-cervus-swv-335.htm