O misericordissime Jesu, o dulcissime Jesu, o gratiosissime Jesu, o Jesu, salus in te sperantium, o Jesu, salus in te credentium, o Jesu, salus ad te confugientium, o Jesu, dulcis remissio omnium peccatorum, o Jesu, propter nomen sanctum tuum salve me, ne peream. O Jesu, miserere, dum tempus est miserendi, neque me damnes in tempore judicandi. Si enim admisi, unde me damnare potes, tu non amisisti, unde me salvare potes. Sis ergo mihi Jesus, propter hoc nomen tuum, et miserere mei, fac mihi secundum hoc nomen tuum respice me miserum invocantem hoc nomen amabile tuum: Jesus.
https://primanota.net/heinrich-schutz/o-misericordissime-jesu-swv-309.htm