Aeternus vere est solus Deus omni creator: Vita in se vivens permanet esse, quod est. Hoc Pater, hoc verbum Patris, hoc est Spiritus almus: Quorum natura est una eademque fides. Non coeptum aut auctum, non hic mutabile quidquam est: Quod subeat leges temporis aut numeri. Virtus praeteritis prior ulteriorque futuris: Nil recipit varium, nil habet occiduum. Nam quas ut voluit rerum sapientia fecit: Multis vita quidem est praestita perpetua. Sed quodcunque potest esse amplius aut minus esse: Quodam fine ipsum, quod fuerat, moritur. Sic nihil aeternum, quod commutabile factum est: Et quod cuncta super, semper idem Deus est.