Dum rex gloriae Christus infernum debellaturus intraret et chorus Angelicus ante faciem eius portas principum tolli praeciperet Sanctorum populus qui tenebatur in morte captivus, Voce lachrimabili clamaverat: Advenisti desiderabilis quem expectabamus in tenebris, ut educeres hac nocte vinculatos de claustris: Alleluia. Te nostra vocabant suspiria, Te nostra requirebant lamenta Tu factus es spes desperatis Magna consolatio in tormentis Alleluia.