(Pars prima) Laetus Hyperboraeam volet hic concentus ad aulam et circum populis nuntia grata ferat: Romulaeo iuvenis fulget Báthorius ostro iam Vaticanae pars numeranda togae. Auctus honos illi sed quem virtute tueri: regalisque domus nobilitate potest. (Pars secunda) O patruo pariterque nepote, Polonia felix! saecula longa tibi servet utrumque Deus. Alter Sarmatiae invictis decus asserit armis, alter sublimi religione nitet. Quam merito regni Stephanus gerit aurea sceptra, purpurea Andream tam bene palla decet.
https://primanota.net/giovanni-pierluigi-da-palestrina/laetus-hyperboraeam-volet-hic-concentus-lyrics.htm