Pastores loquebantur ad invicem: "Transeamus usque Bethleem et videamus hoc verbum, quod factum est, quod Dominus ostendit nobis". Et venerunt festinantes et invenerunt Mariam et Joseph et infantem positum in praesepio. Videntes autem notum fecerunt verbum, quod dictum erat illis de puero hoc. Et omnes, qui audierunt, mirati sunt de his, quae dicta erant a pastoribus ad ipsos. Maria autem conservabat omnia verba haec conferens in corde suo.