Edward Woodall Naylor - Vox Dicentis Clama - текст песни (слова), перевод

Vox dicentis: Clama: et dixi: Quid clamabo? 
 Omnis caro foenum, et omnis gloria eius quasi flos agri. 
 Vere foenum est populus. 
 Exsiccatum est foenum, et cecidit flos: 
 verbum autem Domini nostri manet in aeternum. 
 
 Super montem excelsum ascende tu, qui evangelizas Sion: 
 exalta in fortitudine vocem tuam, qui evangelizas Jerusalem: 
 exalta, noli timere. 
 Dic civitatibus Judae: Ecce Deus vester. 
 
 Ecce Dominus Deus in fortitudine veniet, 
 et brachium eius dominabitur: 
 ecce merces eius cum eo, et opus illius coram illo. 
 
 Sicut pastor gregem suum pascet, 
 in brachio suo congregabit agnos, 
 et in sinu suo levabit, foetas ipse portabit.