Cristóbal de Morales - Inclina Domine I - текст песни (слова)

Inclina, Domine, aurem tuam
 et exaudi me: 
 quoniam inops,
 et pauper sum ego.
 
 Custodi animam meam
 salvum fac servum tuum
 Deus meus,
 sperantem in te.
 
 Miserere mei, Domine 
 ad te clamavi tota die:
 lætifica animam servi tui 
 animam meam levavi.
 
 Quoniam tu, Domine 
 suavis, et mitis:
 et multæ misericordiæ
 omnibus invocantibus te.
 
 Auribus percipe, Domine
 orationem meam:
 et intende voci
 deprecationis meæ.
 
 Confitebor tibi,
 Domine, Deus meus
 in toto corde meo
 et glorificabo nomen tuum
 in æternum:
 Quia misericordia tua
 magna est super me:
 et eruisti animam meam
 ex inferno inferiori.
 
 Deus
 iniqui insurrexerunt super me 
 et synagoga potentium
 quæsierunt animam meam:
 et non proposuerunt te 
 in conspectu suo.
 
 Et tu, Domine, Deus
 patiens
 et multæmisericordiæ,
 et verax.
 
 Respice in me
 et miserere mei
 da imperium tuum
 puero tuo:
 et salvum fac filium ancillæ tuæ.
 
 Fac mecum signum in bonum
 ut videant qui oderunt me
 et confundantur:
 quoniam tu, Domine,
 adiuvisti me 
 et consolatus es me.