Cum natus esset Iesus in Bethleem Iuda in diebus Herodis regis ecce Magi ab Oriente venerunt Ierosolymam, dicentes: ubi est qui natus est rex Iudæorum? Vidimus enim stellam eius in Oriente et venimus adorare eum. Audiens autem Herodes rex turbatus est et omnis Ierosolyma cum illo. Et congregans omnes principes sacerdotum et scribas populi sciscitabatur ab eis ubi Christus nasceretur. Et ecce stella, quam viderant in Oriente antecedebat eos usque dum veniens staret supra, ubi erat puer. Videntes autem stellam gavisi sunt gaudio magno valde. Et intrantes domum in venerunt puerum cum Maria matre eius et procidentes adoraverunt eum. Et apertis thesauris suis obtulerunt ei munera, aurum, thus, et myrrham. Et responso accepto in somnis ne redirent ad Herodem per aliam viam reversi sunt in regionem suam.
https://primanota.net/cristobal-de-morales/cum-natus-esset-jesus-lyrics.htm