Yver, vous n'estes qu'un villain; 
 Esté est plaisant et gentil
 En témoing de may et d'avril 
 Qui l'accompaignent soir et main.
 
 Esté revet champs, bois et fleurs 
 De sa livrée de verdure
 Et de maintes autres couleurs
 Par l'ordonnance de Nature.
 
 Mais vous, Yver, trop estes plein
 De nège, vent, pluye et grézil. 
 On vous deust banir en éxil.
 Sans point flater je parle plein, 
 Yver, vous n'estes qu'un villain.