Christopher Upton - I syng of a mayden - текст песни (слова)

I syng of a mayden
 that is makeles,
 kyng of alle kynges
 to here sone she ches.
 
 He came also stylle
 ther his moder was
 as dew in Aprylle,
 that fallyt on the gras.
 
 He cam also stylle
 to his moderes bowr
 as dew in Aprille
 that fallyt on the flour.
 
 He cam also stylle
 ther his moder lay
 as dew in Aprille
 that fallyt on the spray.
 
 Moder & mayden
 was neuer non but she -
 wel may swych a lady
 Godes moder be.