Benignam, Dignam Laudibus Decet exaltare, Quae fructum vitae omnibus Novit generare. Impleta Laeta Munere, Merito exultavit, Dum angelus dulcissime Piam salutavit. Pietatis, pacis fons, Virgo tu es navis, pons, Donum fer salutis. O suavis navis, pons, Virgo tu es nobis pons, Portum da salutis. Exulta Multa Gratia Tu virgo singularis, Nam regis regum fulgida Mater appellaris. Te clamant, Amant Jugiter Agmina sanctorum, Collaudantes praedulciter Reginam polorum. Clare, care rutilas. Virgo cunctis imperas Veram in salutem, Obfuscare ne sinas, Tirgo, tu ne desinas Servis tuis lucem. Caterva Serva Hominum In te jocundamur, Dum per dilectum unicum Natum liberamur. Aurora, Ora Filium Pulcherrima cunctorum, Ut nobis det praemium Sortis beatorum. Infinitae vitae flos, Virgo, tu es vitae flos. Gemma charitatis. Insignire rite nos, O virgo tu rite nos Conjunge beatis. Amen.
https://primanota.net/christopher-upton/hymn-to-the-blessed-virgin-mary-lyrics.htm