Anonymous - Nowel: Owt of your slepe aryse - текст песни (слова)

Refrain: Nowel! (6x) 
Owt of your slepe aryse and wake, 
 For God mankynd nowe hath ytake, 
 Al of a maide without eny make; 
 Of al women she bereth the belle. Refrain. 
And thirwe a maide faire and wys, 
 Now man is made of ful grete pris; 
 Now angelys knelen to mannys servys, 
 And at this tyme al this byfel. Refrain. 
Now man is bryghter than the sonne; 
 Now man in heven an hye shal wone; 
 Blssyd be God this game is begonne, 
 And his moder empresse of helle. Refrain. 
That ever was thralle, now ys he fre; 
 That ever was smalle, now grete is she; 
 Now shal God deme bothe the and me 
 Unto his blysse yf we do wel. Refrain. 
Now man may to heven wende; 
 Now heven and erthe to hym they bende; 
 He that was foo now is oure frende; 
 This is no nay that Y yowe telle. Refrain. 
Now blessyd brother, graunte us grace 
 A domesday to se thy face. 
 And in thy courte to have a place, 
 That we mow there synge 'Nowel'. Refrain.