Obaudite me divini fructus dicebat beatus Ignatius sociis suis et quasi rosa plantata super rivos aquarum fructificate quasi Libanus odorem suavitatis habete; florete flores quasi lilium et date odorem et frondete in gratiam et collaudate canticum et benedicite Dominum in operibus suis Alleluia. Date nomini eius magnificentiam et confitemini illi in voce labiorum vestrorum et in canticis labiorum et citharis unanimes clamate: Opera Domini universa bona valde Alleluia.